Түрүн багшнран күндлҗ магтв

02-12-2023, 09:40 | Общество

Кен-негнәннь җирһлд багш күн чинртә орм эзлдгнь лавта юмн.Түрүләд эклц сурһульд шинкн түрүн багшла харһҗ, үзг-тамһ бичдг дасад, хөөннь дунд сурһулян төгсәтлмдн эдн нүдн-амн болҗ, арһ-чадсарн дөң-тусан күргнә биший. Даруһас җирһлин хаалһдан орсн кемд чигн зааҗ селвглдг багшнрсурһмҗлгчнр бас харһна, тегәд өдгә цагт иим эрдмтә улсин чинр өөдлүлҗ, ирлцңгү җил зарлгдснь басл орта йовдл болв гих кергтә.

ОЛИНГ ХОТНА ЭКЛЦ СУРҺУЛЬД

Кедү нас зүүвв чигн күн болһн эклц сурһулян, тер дотр түрүн багшан, кезә чигн мартдго, уханд төөнрсн тодлвриг дәкн-дәкнәс сергәҗ йовдг мөн. Тедү дүңгә эннь чинртә, байрта-бахмҗта тоот болҗ седкл авлдгнь мел үнн. Шидр мана редакцд ирсн газетин умшач Тамара Гониева бас җирн шаху җил хооран болсн йовдлмудыг сергәҗ, эврә түрүн багшнран магтҗ-буульҗ, ханмҗта үгмүд келснь маднд чигн өврмҗтә-үүмәтә болҗ медгдв. Бийнь болхла Тамара Наминовна Яшкулин района Олинг бичкн селәнд (эннь “Кировский” совхозин негдгч тойгта ферм мөн - Ш.Л.) өсәд-боссмн, ода ачта амрлһндан бәәдг медәт, насни турштан багшлҗ, дорас өсч йовдг үйнриг сурһмҗлв.
(полную версию статьи можно посмотреть в бумажной версии выпуска № 131 (18970) 2 декабря 2023 года, СУББОТА)

ШАГҖИН Любовь
Зургт: 1961 җил. Олинг хотна дөрвдгч классин сурһульчнр багш Полина Бораевна Федоровала хамдан

Видео