Маднла әдл, зуг чидлтә Дантес

02-12-2023, 10:05 | Общество

Маңһдур авъяст тохрсар цуг нарт-делкәд гемтә-шалтгта улсин Өдр темдглгдхмн. Эн өдриг ООН-а Генеральн Ассамблей 1992 җилд эрмдгтә улсин зөв харсхин, эднә төрмүдт оньг тусхахин күслтәһәр зарлсмн. Сүл җилмүдт гемтә-шалтгта улс орн-нутгин олна бәәдлҗирһлд, спортын болн билг-эрдмин керг-үүлдврмүдт шунмһаһар орлцдгиг үзҗ болхмн. Эдн паралимпийск спортар болдг марһаст ик күцәмҗ бәрҗ олнд бахмҗ болна. «Бидн таднла әдл, зуг чидлтә» гидг дуудвртаһар мана таңһчд пара-спартакиад давуллһн сән авъяст тохрв.

Элст балһснд бәәдг арвн тавта Абушан Дантесин (зургт) тускар олн әмтн соңссн болх гиҗ сангдна. Эн көвүн бичкнәсн авн билг-эрдмәрн олнд бахмҗ үүдәҗ, кесг марһанд, байрин концертд орлцҗ йовна. Сүл цагт болхла Дантес спортын халхар ик күцәмҗ бәрҗ, таңһчиннь нер туурулҗ йовна. Йистәдән эн түрүн болҗ тәәз деер һарч моңһл өнчн Уудам көвүн дуулсн ээҗин туск ду бас дуулад, еңсг сәәхн дууһарн олна зүрк авлв. Һундл төрхд, көвүнә экнь сәәһән хәәсмн, тегәд энүг ээҗнь нилх цагаснь авн асрҗана.
(полную версию статьи можно посмотреть в бумажной версии выпуска № 131 (18970) 2 декабря 2023 года, СУББОТА)

ДООҖАН Наталья

Видео