Селәнә эдл-ахун көдләчнр ачлгдв

05-12-2023, 09:20 | Общество

Үвлин түрүн өдртнь Элстд селәнә эдл-ахун көдләчнриг ачлҗ темдглв. Керг-үүлдврт Хальмг Таңһчин Толһач Хаска Бату, Улсин Хуралын (Парламентин) Ахлач Артем Михайлов, таңһчин Залврин Ахлачин дарук Цернә Эрднь болн талдан күндтә гиичнр орлцв.

Байрин хургиг Хальмг Таңһчин селәнә эдл-ахун министрин үүл дааҗадг Гаван Тимур секв. Тимур Сергеевич 2023-ч җилин йовудт АПК-н көдләчнрин күцәмҗсин тускар тодрхаһар келҗ олнд соңсулв. Эн җил мана таңһчд дәкнәс буудян элвг урһц хурагдв, эннь 830 миңһн һар тонн тогтав. Тер мет 316 миңһн аһу һазрт тәрәһән тәрҗ, көдлмшән зураһасн үлүһәр күцәһәд Әрәсән нүүрлгч арвн региона тоод мана таңһч орв. Терүнәс нань таңһчин эдл-ахуст ут тоодан 181 миңһн туһл, 1 сай 210 миңһн хурһн һарв. Кирһлһнә кемин ашар, 3 миңһн шаху тонн ноосн авгдв. «Алтн намр-2023» селәнә эдл-ахун һәәхүлд мана нег һазра малчнр болн фермермүд дәкнәс ончрҗ, 11 алтн, 6 цаһан мөңгн болн нег күрл медальмудар ачлгдв. Келхәс, һарчах җилин йовудт таңһчин селәнә эдл-ахун министерствин орлцлһтаһар селән һазрт сән кец-таал тогталһна кесг төсвс болн көтлврмүд күцәгдв. Таңһчин райодт бичкдүдин талвңгуд, амрлһна паркс тосхгдв, терүнд герл орулгдад, бәәрн улсин төлә цуг таал тогтагдв.
(полную версию статьи можно посмотреть в бумажной версии выпуска № 132 (18971) 5 декабря 2023 года, ВТОРНИК)

КАРСАНА Евгения
Зургт: Таңһчин Толһач Хаска Бату Болдра Валерийд көлгнә түлкүр бәрүлҗәнә

Видео