Олн үртә эк-эцкин туурмҗ

05-12-2023, 09:30 | Общество

Экин өдр угтҗ болсн байрин хургт Лаганя районд бәәдг олн үртә эк-эцк Николай Иванович болн Алла Андреевна СангаджиГоряевихн «Эк-эцкин туурмҗ» гидг орденәр ачлгдснь нег һазра улст болн өөрхн элгнсаднднь ик бахмҗта йовдл болснь лавта. Һучн һар җил хооран өрк-бүлән өндәлһәд, кен-негнәннь седкл медҗ ниитә бәәдг, долан үрндән чик сурһмҗ өгч, төрскн һазртан күндтә улс болсн төләднь эднд эн өөдән ачлвр бәрүлҗ өггдсмн.

Эднә өрк-бүл Лаганя района Красинский селәнд бәәнә. Баахн Николай цергәс бууҗ ирәд, Алла күүкнлә таньлдад, эдн өркән өндәлһсмн. Бийснь эдн өнрөсклң өрк-бүлмүдт өссмн, тегәд олн үртә болснь орта гиҗ сангдна. Түрүн һурвн үрнь дигтә 90-ч җилмүдт төрҗ һарсмн, тегәд олн үртә өрк-бүлд түрүн авгтан күнд бәәсиг Алла Андреевна тодлна. Тер цагт мана орн-нутгт хүврлтс учрад, әмтнд кесг сардан җалв өгдго, лавкст хот-хол болн хувцхунр талоһар хулддг, бүтн көдлмш чигн уга болад цуһар түрҗәсн цаг бәәсмн. Хәрнь селән һазрт бәәдг төләдән эдн цөөкн малан бәрәд, эврә үстә, махта болад, сад-һарудт темс болн зер-земш урһаҗ теҗәл кедг бәәсиг олн үртә эк темдглнә. Дәкәд Алла Андреевна һартан өөтә болад, күүкдтән олн зүсн хувц өлгәд, чадсарн тедниг кеерүлдг билә. Хадм эк-эцктәһән хамдан бәәдг баахн өрк-бүлд теднә дөң күүкдән асрхд, көл деерән батрхд туслв. Бося Очировна хадм экнь ода найн нәәмтә, эн көвүн-бертәһән эндр күртл бәәҗ ачнртан нүдн-амн болна.
(полную версию статьи можно посмотреть в бумажной версии выпуска № 132 (18971) 5 декабря 2023 года, ВТОРНИК)

ДООҖАН Наталья
ЗУРГТ: өнр-өсклң Саңһҗ-Һәрән Николай болн Алла долан үртәһән, күргн-бертәһән болн ачнр-зеенртәһән

Видео