«Теегин бичкдүд»

15-05-2024, 13:15 | Общество, Таңһчин зәңгс, Сойл

Хальмгин баһ наста зурачнр «Теегин бичкдүд» гидг зургудын төсв белдҗ олна оньгт тусхав.
«Леонардик» гидг нертә студин бичкн зурачнр эн төсвән талдан нег ик төсвин кемҗәнд белдв.
Уйн наста зурачнрин үүлдвриг залҗ һарддг зурач Баира Буваеван келсәр, «Мана уңг» гидг төсвд орлцад, эврә төсвән белдсмн. Сарпуль балһснд җил болһн кегддг «Белая акация» гидг бичкн зурачнрин наадмин йовудт эн төсв орлцҗана. Эн наадмд дамшлтта зурачнр бичкн зурачнрла хамдан орлцна. Эннь бичкн зурачнрин төлә сурһмҗин ик чинртә болна гисн тоолвран Баира Буваева медүлнә. Хальмгас эн наадмд 25 зург орлцҗана. Тер зургудтан бичкн зурачнр олн төрт нерәдсн үүдәврмүдән, тер тоод хальмг туульсар бичгдсн зургудан илгәсмн. Келн-улсиннь сойлыг үзүлҗәдг зургудтнь хальмг хувцн, олн-зүсн кеерүл, көгҗмин зевсгүд, зег хатхмр, нань чигн тоот орулгдсинь үзҗ болхмн.
Ке-сәәхн эн төсвд 11-тә Валерия Лиджиева, наадкснь терүнәс баһ наста зурачнр. Хамгин бичкн орлцач нег җил долан сар күрсн Адель Шонджиева болна. Бичкн эн күүкн болн энүнә зург эн төсвин йоста кеерүлнь болҗана. Хальмгин нертә көгҗмч Манҗин Аркадин зеенчр күүкн Адель Шонджиева тиигәд бичкнәсн авн әмтиг зурлһна эрдмәрн өврүлҗ йовна.

ҖИРҺЛИН Кермн
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»
«Теегин бичкдүд»

Видео