Медәтнрт дөңгән күргәд

Эн җилин түрүн һурвн сарин эргцд мана таңһчин селәдт бәәдг 65 нас һарсн зун шаху медәтин эрүл-мендин бәәдлинь шинҗлв, 157 күүнд лабораторн шинҗллт келһнд дөң күргв, эмәр болн эмнлһнә кегдлмүдәр теткв. «Демографь» гидг келн-улсин төсвин медлд «Ах үйин улс» гидг региональн төсвин халхар эн керг-үүлдврмүд күцәгдв.
Әмтнә социальн теткврин хамцу төвмүдин улд үүлддг шишлң багмуд келн-улсин төсвин медлд эднд йилһгдсн көлгәр медәтнриг болн гемтә-шалтгта улсиг эмнлһнд күргнә. Райодын эмнлһст эдн эрүл-мендин бәәдлән шинҗләд, олн зүсн гемәс саглуллһна кергт орлцад, эмчнрин сүв-селвг авна. 2019 җиләс авн 2023 җил күртл «Ах үйин улс» гидг региональн төсвин медлд ут тоодан 5000 иргнд туслмҗ күрггдв.
Хальмг Таңһчин залврин Ахлачин дарук–таңһчин социальн делгрлтин, күч-көлснә болн көдлмшәр тетклһнә министр Өлзәтин Маринан темдглсәр, бийснь эмнлһнд күрч чаддго медәтнрт шишлң багмуд эмчнриг гертнь авч ирәд, дор ормднь шинҗллт кенә. Тер мет эдн ах үйин улст эм, эмнлһнә кегдлмүд, эрк биш кергтә нань чигн эд-тавр авч ирнә.