Нарт-делкән хургт орлцв

11-06-2024, 10:36 | Таңһчин зәңгс, Зіњг

Хальмг Таңһчин залврин Ахлачин дарук, йиртмҗин көрңгин болн экологин министр Җамбинә Очр Москва балһснд болсн нарт-делкән «Экология» XV хургт орлцв.
Әрәсән регионмудас болн талын орн-нутгудас ут тоодан 1,2 миңһн күн иигәрән ирв. Арвн тавдгч кемдән давулгдсн чинртә хургин йовудт Әрәсән экологическ төсвс күцәлһнә туск төрмүд босхгдв. Очр Владимирович ирлцңгү селвлцәнә йовудт хату хог-богин туск, шаңһа төсвс күцәлһнә болн талдан чинртә төрмүдәр болсн күүндврт орлцв. Тер мет хургин йовудт экологин халхар көдлҗәдг орн-нутгин болн делкән мергҗлтнр дамшлтарн хувалцв.
Нарт-делкән хургт босхгдсн төрмүд учртан авгдҗ, олна шиидвр һарһгдв, эннь йосна ирлцңгү бүрдәцст илгәгдҗ, хамцу үүлдврин йовудт күцәгдхмн.

Видео