Тоодгин то икдүлхәр

«Улан дегтрт» ордг тоодг хальмг теегт хойрдад һарһгдв.
Әрәсән Президентин даалһсар, таңһчин йиртмҗин көрңгин болн экологин министерств Хальмгин залврла, «Экология ВНИИ» ФГБУ-ла, «Росконгресс» саңла болн «Камчатка» төвлә хамдан эн керг-үүлдвриг күцәҗәнә.
Узбекистанд бәәдг ирлцңгү төвәс хөрн шову авч ирәд, мана теегт һарһгдсн билә. Тодлхас, намрар тиим түрүн керг-үүлдвр күцәгдсмн.
Хойр җилин туршарт деер заагдсн бүрдәцсин мергҗлтнр мана таңһчд ирлцңгү шинҗллт давулсн билә. Хальмгин теегт сән таалта ормс олҗ мел тер һазрт тоодгиг һарһв. Эн җилин намрар номин нарт-делкән экспедицин йовудт мана теегт һарһгдсн шовудыг шинҗлхмн.
Чинртә керг-үүлдвр Хальмг Таңһчин Толһач Хаска Батун болн таңһчин залврин дарук, йиртмҗин көрңгин болн экологин министр Җамбинә Очрин дөңгәр давулгдҗана, гиҗ темдглх кергтә.

КАРСАНА Евгения