Бичкдүдт – онц килмҗ

Мана таңһч болн Антрацитовск район хоорнд батлгдсн нөкцлтин медлд сурһуль-эрдмин, социальн теткврин бүрдәцслә залһлдан бас делгрҗәнә. Таңһчин багшнр болн социальн көдләчнр дамшлтарн хувалцҗ, дорас өсч йовх бичкдүдин зуни амрлһ бүрдәлһнә, баһ тетквртә болн җирһлин күнд таалд туссн улст, медәтнрт дөң күрглһнә халхар хамцу үүлдҗәнә.
Антрацитовск района бичкдүд мана таңһчур зуульчлҗ ирнә, энд зуни амрлһна лагерьт цаган тустаһар давулна. Нидн Городовиковск района хазгудын кадетск бүрдәцин улд үүлдсн лагерьт бичкдүд ирҗ амрсн билә. Ут тоодан 494 күүкн-көвүн хальмг һазрт түрүн болҗ ирәд, энд кесг үр-иньгүдтә болв. Сән авъяст тохрсн Шин җилин өмн өргнд давулгддг «Елка желаний» гидг керг-үлдврин медлд Антрацитовск района 9 миңһн күүкн-көвүнд шикр-балта болн наадһас белглв. Бичкдүд Киитн аавд бичгән бичәд, көгҗмин зевсгүд, наадһас, велосипед, нань чигн тоот сурсн билә, мана таңһчин арһлачнр, депутатнр, буйнч седклтә улс теднә сансн санаг күцәҗ Шин җиллә йөрәв. Эн сарин эклцәр болхла Антрацитовск района әмтнә социальн теткврин комплексн төвд туслмҗ авдг күүкд-көвүдиг бичкдүдиг харслһна нарт делкән Өдрлә йөрәһәд, сурһульднь кергтә эд-тавр белглв.

ДАВАН Наталья