Төрскнч баһчудыг өскхәр

«Төрскән харсачнр» шаңһа саң «Медрл» Әрәсән ниицәнлә хамдан орн-нутгин субъектмүдт баһчудын төлә төрскнч керг-үүлдврмүд давулв. «Төрскнәннь төлә церглҗәнәв» нертә эн төсвин йовудт Әрәсән Баатрмуд, цергә седкүлчнр, дәәнә керг-үүлдврмүдин ветеранмуд болн СВО-д орлцачнр баһчудла харһв.
Өдгә цагт дорас өсч йовдг баһчудт төрскнч сурһмҗ өглһнд онц оньг өггдҗәнә. Тодлхас, Әрәсән Президент Владимир Путин Федеральн Хургт нерәдсн Илгәвртән Төрскән харсачнриг өөдлүлҗ, теднә тәвцинь онц темдгләд, иргчдән мел тиим улс орн-нутгар һардх зөвтә гиҗ иткүлсн билә.
Хальмг Таңһчас 300 сурһульч болн оютн эн төсвд бас орлцв. Зунар Б.Б.Городовиковин профилакторийин ул деер көдлсн «Җаңһр» лагерьт ирлцңгү лекцс, мастер-классмуд болн талдан соньн харһлтс бүрдәгдсн билә.
Нег һазра мана көвүд-күүкд «Дәәч» спортын болн төрскнч баһчудыг өскдг төвин һардач, Хальмгин хазгудын бүрдәцин одмн Җаңһан Чимидлә, терүнә дарук Нахошкинә Мингиянла харһҗ күүндв. Тиим харһлтсин йовудт арвтнр олн тоотын тускар медҗ авсмн. Зөрмг цергчнрин, Әрәсән Баатрмудын, әәмшг уга зәңгллһнә бәәдлин, ниигмин сүлҗәнд мек-тах һарһдг улсин тускар болн талдан нань чигн медрл авч чадв. Тер мет волонтермудла болн буйнч седклтә улсла, арһлачнрла бас харһад күүндсн билә. Түрүн зергләнд йовсн цергә шишлң керг-үүлдврт орлцачнр эврәннь тууҗин тускар тодрхаһар келҗ өгцхәв.
ОЛЬДАН Цаһан