Антрацитовск районд дөңгән күргҗ

Эн хаврар Элстд болсн ЮРПА-н хургин йовудт Хальмг Таңһчин Улсин Хуралын (Парламентин) Ахлач Артем Михайлов болн Луганск Улсин Республикин Антрацитовск муниципальн округин Хүүвин Ахлач Виктория Сошина нөкцлтин бооца батлсн билә. Терүнә медлд таңһчин Улсин Хуралын депутатнр Антрацитовск района әмтнд дөңгән күргҗ, буйнч секдлин кергүд давулҗ бәәрн улсин төрмүдт орлцна.
Шидр Улсин Хуралын (Парламентин) депутатнр ЛНР-ин Антрацитовск района әмтнд буйнч седкләсн дөң күргв. Одахн Боково-Платово селәнд болсн түүмрәс иштә кесг әмтн зовлң үзв, тегәд депутатнр илгәсн хот-хол, өдр-бүрин йовудт керглгдх эд-тавр тиигәрән күргҗ өггдв. Бәәрн улс килмҗән тусхасн депутатнрт ханлтан өргв.
Депутат Хачира Борис таңһчин Улсин Хуралын Ахлач Артем Михайловин даалһврар тиигәрән йовад, Антрацитовск муниципальн округин Хүүвин Ахлач Виктория Сошинала болн Антрацитовск муниципальн округин толһач Сергей Саенкола харһв. Боково-Платово селәнд 60 гер шатв, әмтн бәәдг гер-бүүр уга үлдв, кесгнь олн зүсн шав авв. Иим күнд цагла Хальмгин әмтн, таңһчин Улсин Хуралын депутатнр мана зовлң хувалцҗ, цаһан седкләсн дөңгән күргснь чидл-омг өгнә гиҗ Виктория Сошина болн Сергей Саенко темдглв.

ДООҖАН Наталья