Нилхд төрлһиг урмдулх кергтә

15-10-2024, 10:32 | Общество, Таңһчин зәңгс, Зіњг

Шидр Хальмг Таңһчин залврин Ахлачин дарукин – таңһчин социальн делгрлтин, күч-көлснә болн көдлмшәр тетклһнә министрин үүл дааҗадг Өлзәтин Маринан һардврт социальн болн күч-көлснә хәрлцәнә һурвн халхин комиссин сүүр болв.

Көдләчнрин эрүл-менд хадһллһна төрәр таңһчин эрүл-менд харлһна министерствин әңгин һардач Йиснә Кермн зәңгллһ кеһәд, 36714 көдләч диспанеризацин керг-үүлдврт орлцв гив. Теднәснь 11423 күн гүн шинҗллтд орв, 16 миңһн һар күн олн зүсн гемәс саглулхар эмчд бийән үзүлв. Көдлдг улсин эрүл-менд харлһна төрт ик оньг өггдҗ, җил болһн диспансеризацин керг-үүлдврмүд бүрдәгднә гиҗ министерствин элч темдглв.
«Селәдин делгрлт» гидг шаңһа көтлврин медлд давсн җилд болн эн җилин эклцәс авн гемтә-шалтгта улсиг көдлмшәр тетклһнә туст ямаран керг-үүлдврмүд күцәгдснә тускар таңһчин селәнә эдл-ахун болн социальн делгрлтин министерствсин элчнр тооцаһан өгв. Хальмгин профсоюзмудын федерацин ахлачин үүл дааҗадг Александр Шеметов өрк-бүлмүдиг дөңнлһнә шаңһа дөңгин тускар келв.
Комиссин сүүриг ашлҗ, Өлзәтин Марина күцәгч йосна бүрдәцст болн райодын толһачнрт өрк-бүлмүдиг дөңнлһнә туст сән гисн дамшлтсиг шинҗләд, нилхд төрлһиг урмдулхд болн өрк-бүлин чинр өөдлүлхд туслх немр керг-үүлдврмүд батлх даалһвр өгв.

Видео