Москвад Джангариад болв

15-10-2024, 10:46 | Общество, Спорт, Таңһчин зәңгс, Зіњг

Хальмг улс Әрәсән ханьд эврә сән дурар орсна 415 җилин өөнд нерәдәд, Москва балһснд Джангариад болв. Эн марһан тавдгч дәкҗ хотл балһснд давулгдҗана, терүнд орлцачнр бүс бәрлдҗ бөк бәрлдв, саадгар хав, цалм хайв, футбол, волейбол, армрестлинг, ширә деер нааддг теннис, шатр, шаһа наадад, хамгин чидлтәһинь болн эвтәһинь йилһҗ авв. Өрк-бүмүд дунд «Эцк, эк болн би – спортивн өрк-бүл» гидг марһан болв.

- Иим марһас сән авъяст тохрҗ таңһчин меҗә һатц бәәдг хальмгудыг цуглулдгнь байрта. Сойл мадниг хамцулҗ, мана үүрмүдин дөңгиг медхд туслна. Хальмг келн-улсин спорт делгрүллһнд тәвцән орулҗадг төләднь «Улан залата» гидг хальмг нег һазра улсин клубд, Хальмгин элчлтд, Москвад сурчадг оютнрин ниицәнд болн Москва балһсна спортын департаментд ханлтан өргҗәнәв. Мана авъясмудыг күндлҗ, нег-негән дөңнҗ, ниитә болый!, – гиҗ Хаска Бату нег һазра улст дуудвр кев.
БАТАН Наталья

Видео