Селәнә эдл-ахун көдләчнриг йөрәв

15-10-2024, 10:48 | Таңһчин зәңгс » Хальмг Тањєчин Толєачин ґдр-бўр

Давсн амрлһна өдрмүдт мана орн-нутгт селәнә эдл-ахун көдләчнрин Өдр болв. Хальмг Таңһчин Толһач Хаска Бату эн халхд көдлҗ, таңһчиннь болн орн-нутгиннь делгрлтд ик тәвцән орулҗ йовх көдләчнриг йөрәв.

- Селәнә эдл- аху мана экономикин ул тогтана, мана улсин бәәдл-җирһлин һоллгч әңгнь болна. Энтн бат әмтнә күч-көлсн, тер төләд эднә үүлдвр күндллһ олна. Мана күч-көлсчнрин ач-тусар бидн тохма малын тооһаран 1-ч орм эзлнәвидн, хөөдин тооһарн бас нүүрт йовнавидн. Тәрә тәрлһнә халхд бидн һурвн җил дарандан сән урһц авч, олн җилин туршарт бәәсн дунд кемҗәнәс давулҗ буудян урһц цуглулҗ авчанавидн. Цуг эн күцәмҗ селәнә эдл-ахун көдләчнрин өөдән мергҗлт, төрскн һазртан дааврта болн өвкнриннь авъяст итклтә болдгнь ул тогтана, – гиҗ Бату Сергеевич йөрәлин үгдән темдглв.
Тер мет таңһчин Толһач селәнә эдл-ахуст күрггдҗәдг шаңһа дөңгин, эдл-ууш эд-бод келһиг делгрүллһнә, орн-нутгин һардврин дөңгәр һазр көдәрлһнәс хөрлһнә керг-үүлдврмүдин тускар онц келв.

Видео