Нарт-делкән хург угтҗ

Шар шаҗна нарт-делкән хург 2025 җилин Һаха сард Хальмг Таңһчд болхмн. Ончта эн йовдлд белдвр эклҗәнә. Нарт-делкән һурвдгч хургиг Элст балһсн тосч авхмн.
Чинртә эн йовдлла ирлцүлҗ, Элстд Бурхн Багшин ном шинҗллһнә делкән төв секхәр белдвр кегдҗәнә. Бурхн-шаҗна төрәр йир өвәрц өдгә сурһуль-эрдмин көтлврмүд белдлһнә болн терүг олзллһна, шаҗна төрәр шинҗллт кех цаг-зуурин номтнрин хамцу коллективс бүрдәлһиг күцәх номин төв болҗ тернь үүлдхмн.
Әрәсән олн иргнмүдин ниицлтин кергт, шаҗна дөңгәр улсин хоорндк иньгллтиг болн залһлдаг батллһна кергт номтнриг, йосна халхин үүлдәчнриг, шаҗна хувргудыг олна күрәлңгүдлә хамцулҗ үүлдлһн төвин һол үүлдврнь болхмн. Әрәсән европейск әңгд Бурхн-шаҗна болн номин халхин үүлдәчнриг хамцулсн деерән эн төв талдан һазрин шаҗна болн номин үүлдәчнрлә халх болһнд туста залһлда батлхин төлә үүлдврән залх зөвтә.

ҖИРҺЛИН Кермн