Келн-улсин оркестрин «Нөкцлтин көгҗм»

Хальмг Таңһчин Келн-улсин оркестр дарани концерт сән эклхәр белдҗәнә. Хулһн сарин 24-д үүдәгч коллективин «Негдлтин көгҗм» гидг концерт болхмн эклҗәнә. Эн өдр көгҗмд дурта әмтн «Ойрат-Аренд» ирҗ, дурта дууһан соңсҗ, соньн көгҗмин дүүрәнд духуцхмн.

Эн концертин дәкн нег ончнь хальмг артистнрлә хамдан Туван Келн-улсин оркестр билгән үзүлхмн.
Хальмгур ирхин өмн эн артистнр «Нүүдл улсин делкә» гидг көтлврт орлцад, Улан-Удэ, Чита, Хабаровск балһсдт билг-эрдмән үзүлсмн.
Келн-улсин оркестрин һардач Катан Саврин келсәр, Хальмгин хәләһәчнрт соньн концерт үзүлхәр хойр коллектив күчн-чидлән негдүлҗәнә.
«Негдлтин көгҗм» гидг концертын йовудт соньн олн тоот учрх, гиҗ эн иткүлҗәнә. Тувинск коллектив Хальмгин хәләһәчнриг келн-улсин зевсгүдин айсмударн байрлулхмн.

ҖИРҺЛИН Кермн