Басан Городовиковин санл тевчв

Вчера, 09:20 | Общество, Таңһчин зәңгс, Зіњг

Шидр Улан Әәрмин 3-ч Белорусск фронтын цергүд Германя Ширвиндт балһс сулдхсна 80 җилин өөн болв. Хальмг Таңһчин Толһач Хаска Бату эн өдр мана орн-нутгин тууҗд ик чинр зүүҗәхиг темдгләд, Төрскнә тууҗд алтн үзгәр бичгдсн Баатрмудын санл тевчнәвидн гив.
- Басан Бадьминович Городовиковин һардврт 184-ч тойгта йовһн цергә дивизь Дорд үзгин Пруссьт түрүн болҗ орҗ ирсмн. Эн йовдл хортыг күцц күүчҗ дииилвр бәрхин болн өдгә цага Калининградск мүҗин тууҗин эклц болв. Энд советск салдсмудын залу-зөрмгин санлыг әрүн кевәр хадһлна. 2021 җилд Краснознаменск балһсна төв талвңд Советск Союзин Баатр, генерал-лейтенант Басан Городовиковд бумб углҗ тәвсмн. Эндр мана таңһчин делегац Хальмгин алдр үрнә санл тевчв. Бидн Калининградск мүҗлә нөкцлтиг цааранднь делгрүлҗәнәвидн. Балтийск флотын медлд «Калмыкия» баһ керм бәәнә. Бидн экипажла бат залһлда бәрҗ, тенд церглҗ йовх нег һазра улст дөңгән күргнәвидн. Төрскнәннь төлә, төвкнүн җирһлин төлә әмән өгсн улсин санл тевчлһн болн баһчудт теднә тускар медүллһн нег үлү эндр ик чинртә болҗана, - гиҗ Хаска Бату темдглв.

БАТАН Наталья
ЗУРГТ: Калининградск мүҗин Краснознаменск балһснд болсн санлын керг-үүлдвр

Видео