Баһчудын төрмүдәр күүндв

Әрәсән Орн-нутгин Хүүвин баһчудын политикин комитетин улд Әрәсән субъектсин зака үүдәгч бүрдәцсин, баһчудын парламентсин элчнрин орлцлһтаһар баһчудын төрәр селвлцән болв. Терүнд таңһчин Улсин Хуралын (Парламентин) сурһуль-эрдмин, номин, зңәгллһнә политикин, зуульчллһна болн спортын комитетин гешүн, депутат Цекрә Зулта болн Улсин Хуралын медлд үүлддг баһчудын Олна парламентин ахлачин дарук Донкан Ангира орлцв.

Видеозалһлдана эв-арһар болсн селвлцәнд Әрәсән Орн-нутгин Хүүвин баһчудын политикин комитетин гешүд 2024 җилин намрин сессьт баһчудын төрмүдәр ямаран закадын седвәр татсна, 2030 җил күртл мана орн-нутгт баһчудын политикин халхд күцәгдх керг-үүлдврмүдин зураһар ил күүндвр давуллһна тускар келгдв. Селвлцәг комитетин ахлач Артем Метелев һардҗ давулв. Чинртә төрәр болсн селвлцәнд орлцачнр баһчудын политикин төрәр ухан-тоолврарн хувалцҗ, Әрәсән баһчудын парламентсин үүлдвриг шунмһадуллһна төлә субъектсин һардачнрт сүв-селвгүд белдх шиидвр авв.

БАТАН Наталья