Зуульчллһна марһанд ончрв

28-11-2024, 12:45 | Общество, Таңһчин зәңгс, Зіњг

Шидр зуульчллһна халхар Цугәрәсән наадм - марһан давв. «Әрәсән өврмҗ» гидг нертәһәр болсн соньн ик марһанд зуульчллһна халхар кесг соньн тоот үзүлгдв. Терүнд орлцхар миңһн һар эрлһн орҗ ирсн билә. Терүнәс зуг 300-нь шүүҗ авгдсмн. Әрәсән цуг регионмудин элчнр һәәхүлд эврә кегдлән үзүлв. Теднәснь 50 дииләч йилһгдв.
Оньган өгтн, хальмгуд диилвр бәрв! Smell Terra Kermen «Хальмг тег» гидг каңкнурин видео алтн ачлвр авв. «Әрәсән зуульчллһна белгүд болн өвәрц кегдлмүд» гидг әңгд хальмг видеопрезентац хамгин сәәнд тоолгдв.
Цааранднь хәләй, Smell Terra Kermen бренд «Gold Brand» марһанд «Зуульчллһна өвәрц кегдл» гидг әңгд алтн ачлврар мөрәлгдв.
«Презентацин хөөн хойр региона элчнр нан тал өөрдҗ ирәд, ольфакторн мана эв-арһиг эврә һазртан делгрүлх болҗ күүндвр кев, - гиҗ «Хальмг тег» каңкнур үүдәсн Манҗин Кермн келнә. - Шинҗләчнр болхла, эврә тааслтан медүләд, мана эв-арһ ик делгрлт авх зөвтә гиҗ үнлв. Әрәсән ольфакторн бәрмт цаас белдх кергтә гисн тоолвран тедн медүлв. Мини тускар телеүзлд соңсхвр үзүлх болв.
Цугәрәсән марһанд орлцлһн тиим сән ашта болв. Хальмг дизайнер Манҗин Кермн үүдәсн «Хальмг тег» тер дарунь хулдгдв. Зуульчллһна халхар эннь зөвтә сәәхн орман эзлв.
ҖИРҺЛИН Кермн

Видео