Шаҗна эрдмин зөөр

Әәдрхнә музейд одахн соньн йовдл болв, хальмг улсин шар шаҗна сойлын презентац болв. Әрәсән номин академин 300 җилин өөнлә ирлцүлҗ эн төсв күцәгдҗәнә.

Эн йовдлд нерәдҗ, музейд һәәхүл бүрдәгдв. Терүнд XIX и XX зун җилмүдин хураңһун кезәнк 60 экспонат үзүлгдҗәнә. Хальмг улс урдк цагт олзлҗ йовсн шаҗна халхин кегдлмүд әмтнә ик соньмслт олҗана. Хальмгудын урн һара кегдсн кегдлмүд XIX-XX зун җилмүдт эклҗ хурагдсмн. Хальмг теегүр экспедицд ирҗәсн номтнр, тууҗчнр, этнографмуд соньн олн тоотыг цуглулҗ авсмн. Эн хураңһуд орсн олн тоот хальмг улсин йир өвәрц зөөр болҗана. Өдгә цага номтнрт тернь соньн болхнь маһд уга.
ҖИРҺЛИН Кермн