Кадрмудар тетклһн – чинртә төр

Шидр Хальмгин Толһач Хаска Бату тосхлтын болн ЖКХ-н халхиг кадрмудар тетклһнә төрәр селвлцә давулв.
Кадрмудар тетклһнә төр таңһчин һардврин онц оньгт бәәнә. Ямр чигн бүрдәцд сән медрлтә, дамшлтта, дааврта мергҗлтнр керглгднә. Эн туст сурһуль-эрдмин болн финансин бүрдәцс хамгин түрүнд тусан күргх зөвтә. Өдгә цагт таңһчин сурһуль-эрдмин бүрдәцст дамшлтан өөдлүлхин төлә шишлң сурһульд сурч болна.
– Таңһчин бүрдәцсин һардачнрла ил күүндәд, баахн мергҗлтнрт көдлмшч шин ормс бүрдәҗ чадхинь сурлав. Баһчуд теднә төлә цуг таал тогтагдҗахинь үзәд, талдан балһсдт йовлго гертән көдлҗ чадхинь медх зөвтә. «Кадрмуд» келн-улсин шин төсвиг сән йовудтаһар күцәхәр зуралҗанавидн, – гиҗ Бату Сергеевич темдглв.

ОЛЬДАН Цаһан