Хаврин тәрә тәрлһнә тускар

Шидр Хальмг Таңһчин селәнә эдл-ахун министерствд хаврин тәрә тәрлһнә төрәр селвлцән болв. Россельхозцентр, Агрохимическ цергллт, Калммелиоводхоз, Россельхознадзор бүрдәцсин болн номин элчнр, арһлачнр терүнд орлцв. Хальмгин селәнә эдл-ахун министрин үүл дааҗадг Гаван Тимур энүг давулв. Селвлцәнә йовудт царцаха уга келһнә көдлмшт онц оньг өггдв.
– Сүл җилмүдт эн туст ик көдлмш күцәгдҗәнә. Урдк җилд 45 миңһн аһу һазрт ирлцңгү көдлмш күцәгдв. Эн җил болхла царцахан то улм икдхмн гиҗ күләгдҗәнә. Өдгә цагт хорн болн талдан химикатмуд хулдҗ авгдҗана. Шишлң техник бас ясад белдгдҗәнә. Тер мет царңгудыг усар тетклһнә төр бас эн сүүрт босхгдв. 2025 җилд 3 миңһн гектар аһу һазрт царңгудт усн орх зөвтә. Энүнәс иштә малын шүрүн хот кеҗ һарһлһна кемҗән бас икдхмн, – гиҗ Тимур Сергеевич келв.
Селвлцәнә чилгчәр Гаван Тимур Агрохимическ цергллтин һардач Унканжинә Георгийд Әрәсән селәнә эдл-ахун Министерствин цаһан мөңгн медаль бәрүлҗ өгв. Тер мет «Артем» КФХ-н һардач Павел Потловиг «АПК-н халхд тәвцән орулсн төлә» медаляр ачлв.

КАРСАНА Евгения