СВО-д икр ах-дү церглҗәнә

Цергә шишлң керг-үүлдвр болҗах һазрт Хальмгин кесг үрд дәәлдҗ йовна. Теднә тоод хойр икр көвүн йовна. Ефрейторин цол зүүҗәдг цергчнр Тесло болн Молния гидг дуудвртаһар дәәлдәнд орлцҗ йовна.

Хамдан церглҗәх көвүдтә ах-дү хойр Крымд цергә белдвр авсмн. СВО эклсн кемлә эдн эврә дурар бооца батлад, эн дәәлдәнд орлцв. Цергә даалһвран көвүд сәәнәр күцәҗәнә.
Мотострелков цергә негдлтин инженерн-саперн батальонд тедн церглнә.
Тесло шулун-шудрмг болсн деерән йир седвәртә. Молния болхла ахасн төрүц ард үлдҗәхш. Дәәч даалһвр күцәлһнд эн йир дааврта. Тиигчкәд эн көвүн йир тоолвртаһар үүлднә, кергиг тохнятаһар күцәнә. Шулун-шудрмг зөрүлт тоолврта хәләцлә нииләд, дәәч кергиг күцәлһнд эн икр көвүд кенәснь чигн деер йовна. Ямаранчн даалһвриг ах-дү хойр эрк биш күцәхднь һардвр иткнә.
Эн хойр икр көвүн дәәч кергиг сәәнәр күцәһәд, хоюрн Әрәсән болн ведомственн ачлврмудта.
Зөргтә икр хойр көвүн цергә үүлдврән сән кевәр күцәҗ, диилвртә хәрҗ ирх гиҗ иткҗәнәвидн.