Хурлд церглҗәнә

Шидр нег һазра арвн нәәмтә көвүн Дмитрий Водопьянов гецлин самнр авв. Дрепунг Гоманг хурлын ик сурһульд эн сурчана.

Энткгин өмн үзгт бәәдг Дрепунг Гоманг хурлд шаҗна сурһаль дассн манҗ гелң болхин төлә түрүн самнран авсмн. Гецлин нер зүүх самнриг Дрепунг Гоманг хурлын ах багш гевш Джигме Гьяцо энүнд өгсмн. Ода эн көвүн Тенпа Гьяцо нер зүүв. 18-тә Дмитрий гелң болхар эврән шиидсмн. Дунд сурһулиг төгсәһәд, көвүн Бурхн Багшин Алтн сүмд ирәд, манҗ болв. Хальмгин һоллгч хурлын гелңгүдин келсәр, көвүн кесг җилдән зуни амрлһна цагт хурлд ирәд, шаҗна номин эклц медрл дасад, төвд келәр бичдг-умшдг болв. Номиг чееҗәр даслһнд энүнд Санан гелң дөңгән күргҗәсмн. Давсн җилин намрар Дмитрий шаҗна сурһаль сурхар Энткгин һазрур һарч йовла.
Ода Тенпа Гьяцо экләд сурчана. Даруһас эн гецл Дрепунг Гоманг ик сурһульд түрүн шүүврән өгх цагнь өөрдҗ йовна.