Москвад байран тосв

Сегодня, 10:58 | Общество, Таңһчин зәңгс, Зіњг

Шидр мана таңһчд бәәтхә талдан һазрт бәәдг хальмгуд таңһчин сән Өдриг болн Дала Ламин Гегәнә һарсн өдриг өргнәр темдглв. Нег үлү Москвад «Тубден Шедублинг» хурлын өөр нег һазра улс цуглрҗ байран давулснь ончта болв.
Керг-үүлдврин эклцәр ламнр мөргүл кев. Терүнә дару Хальмгин, Бурятин, Тыван болн Моңһлын артистнр олн-әмтиг билг-эрдмәрн байрлулв. Нәәрт ирсн улсиг улан зандн хальмг цәәһәр болн боорцгар тоов.
Талдан балһсдт бәәдг нег һазра улс цуглрад, эврәннь сән өдрмүдән хамдан давулдгнь йир сән йовдл мөн. Әрәсән Президентин медлд үүлддг Хальмг Таңһчин элч, таңһчин залврин ахлачин дарукин үүл дааҗадг Мучкинә Гернзлд болн шар шаҗна сүзгтнрин төв заллтын ахлач Гевш Йонтенд ирлцңгү байр бүрдәснд ханлтан өргҗәнәв, – гиҗ таңһчин Толһач Хаска Бату темдглв.
ОЛЬДАН Цаһан

Видео