Сән кец-таал тогтаһад

Хальмг Таңһчин Толһач Хаска Бату Әрәсән тосхлтын болн ЖКХ-н министр Ирек Файзуллинлә харһҗ күүндв. Терүнә йовудт өдгә цагин эв-арһс олзлад, Иҗл һолас усна сурвлҗ тосхлтын төсв босхгдв. Тер мет жилищн-коммунальн эдл-ахун халхар һурвн бәәрин болн хаалһсин тосхлт, көлгнә шинрүллһн болн дулаһар тетклһнә кемин төрмүд бас хәләгдв.

– Балһснд сән кец-таал тогталһна Цугәрәсән марһана ашар Элстд Колонский боодгин эргндк һазрнь ясгдхмн, Лаганьд болхла Ноһан Дәркин парк тосхгдхмн. ЛНР-ин Антрацитин районд урдк кевәр дөңгән күргҗәнәвидн. Эн җил төгстл тенд зурһан бәәр тосхад, эдлврт орулхар зуралҗанавидн. Һаха сард Хальмгт шар шаҗна нарт-делкән хургт белдәд, Элстин уульнцс болн хаалһс ясгдв. Мана таңһчд даңгин оньган өгчәдг Ирек Энваровичд ханлтан күргҗәнәв, – гиҗ Хаска Бату онц темдглв.
ОЛЬДАН Цаһан