Шинҗллһнә лабораторь секгдв

Урҗ өдр Хальмгин МВД-н улд шинҗллһнә шишлң лабораторь секгдв. Эннь зөв-йос эвдсн туст бүтәгдсн кергүд күцәлһнд ик нилчән күргхнь лавта. Тенд өдгә цагин кергсл углҗ тәвгдв, кесг җил хооран бүтәгдсн керг-үүлдврмүд күцәлһнд эн бас туслхмн, гиҗ темдглх кергтә.
– Әрәсән дотр-дундын кергүдин Министерствд, тер мет энүнә медлд бәәдг шинҗллһнә-криминалистическ әңгин һардач Вадим Казьминд ханлтан күргҗәнәв. Хальмгин МВД-н министр Дмитрий Григорьевла хамцу үүлдврин йовудт өдгә цагин некврлә ирлцҗәдг эв-арһсиг өргнәр олзлҗанавидн. Терүнәс нань кергән күцәҗ йовад, әмнәсн хаһцсн МВД-н көдләчнрин ач-тусинь хәрүлҗ санлынь тевчвидн. Шишлң лабораторь секгдәд, ода көдлмшән улм даавртаһар күцәҗ болхмн, – гиҗ Хаска Бату келв.

ОЛЬДАН Цаһан