Кикбоксинг делгрүләд

Үкр сарин 30-д кикбоксингин нарт-делкән өдр темдглнә. Әрәсәд, нег үлү Хальмг Таңһчд кикбоксинг өргнәр делгрҗәнә гиҗ келх кергтә. Шин ул батлгдад, сән спортсменмүд, дамшачнр болн нүүрләчнр өсчәнә.
– Эн җил Әрәсән кикбоксингин Федерац нарт-делкән ирлцңгү бүрдәцлә (WKF) нөкцлтин бооца батлв. Темдглхд, кикбоксингин нарт-делкән Федерацин һардврин ханьд Евросоюзин орн-нутгудын элчнр орна. Амр биш цагт эдн мадниг дөңнҗәхнь темдгтә. Бидн хамдан нарт-делкән марһас давулҗ, нөкцлтән делгрүлхәр зуралҗанавидн. Өдгә цагт кикбоксингин спортсменмүд Әрәсән туган өргәд, орн-нутгин частран соңсулҗ марһлдҗана. Цааранднь чигн эдн арһ-чидлән агсад, орн-нутгиннь нер дуудулад, делкән спортын талвңгудт ончрад йовхмн, – гиҗ Хаска Бату темдглв.

ОЛЬДАН Цаһан