Номин ачта үүлдәч болв

Урҗ өдр Хальмгин залврин ахлач Босхмҗин Гилән таңһчин Толһачин даалһврар Әрәсән номин академин дорд үзгин шинҗллһнә күрәлңгин ах багш, тууҗин номин доктор Китинә Баатрт Хальмг Таңһчин номин ачта үүлдәчин нер зүүлһв.
Баатр Учаевич шар шаҗна тууҗин номиг кесг җилдән шинҗлҗ йовна. Энткгин, Канадын, Таиландын болн талдан орн-нутгудар йовад, медрлән гүүдүлсмн. Номин зун тәвн шаху үүдәвр бичҗ һарһсн күн болна. Тер мет дунд сурһульмудын көвүд-күүкдин төлә шар шаҗна тууҗин туск даслурин түүрвәчнрин негнь болна. Китинә Баатр номт болн багш болсн деерән терүнәс нань шаңһа бүрдәцсин кесг хүүвин гешүн болна. Дәкәд болхла эн Москва балһсна шар шаҗна сүзгтнрин ниицәнә ахлачин дарук болҗ үүлднә.

ОЛЬДАН Цаһан

Новости по теме

• 

  Хальмг теегин хәәртә үрн - Әрәсән Баатр
  Хальмг теегин хәәртә үрн - Әрәсән Баатр
• 

  Епархии – дальнейшего развития
  Епархии – дальнейшего развития
• Честный и откровенный диалог
  Честный и откровенный диалог
• 

  Мана әмтнә сән-сәәхн җирһлин төлә
  Мана әмтнә сән-сәәхн җирһлин төлә