Хаалһин зокал эвдәд

Сегодня, 13:02 | Общество, Таңһчин зәңгс, Зіњг

Юуһинь нуухв,эврә маши залдг улс дунд зөв- йос эвддг йовдлмуд даңгин гилтә учрна биший. Салькнла урлдҗ,хурдар маши гүүлгдг җолачнр чигн олна дунд баһ биш гих кергтә. Тиигәд Приютна районд нег залу дару- дарунь хаалһин зокал эвддг төләдән засгла харһад, ут тоодан 250 частан олна көдлмш күцәх зөвтә болҗ һарв.
Хальмг Таңһчар үүлддг Әрәсән зарһин приставмудын шаңһа цергллтин Заллтын зәңглсәр,Целинн болн Приютна райодар үүлддг зарһин приставмудын әңгин көдләчнр эн иргнә туст хөрн тавн күцәгч керг бүтәсн болҗ һарна.Керг болһна халхар арвн частан олна көдлмш эрк биш күцәх болҗ засглгдсн бәәҗ.Тегәд чигн зөв- йос эвдсн залу ут тоодан хойр зун тәвн часин туршт олна көдлмш күцәх болҗ аштнь шиидвр батлгдсмн.
Тедү дүңгә ик кемҗәтә күцәгч керг яһҗ бүтәгдв гихлә,эн җолач дару- дарунь хаалһар йовлһна зокал эвдәд бәәсн болв.Машиһәр хурдар гүүлгдгәсн нань эн иргн талдан чигн йовдлмуд эвдсинь ГИБДД-н көдләчнр тоод авсн бәәҗ.
Шагҗин Любовь

Видео