Арһлачнрин үүлдвриг темдглв

Сегодня, 12:42 | Общество, Таңһчин зәңгс, Зіњг

Шидр Хальмг Таңһчин Улсин Хуралын (Парламентин) Ахлач Артем Михайлов «Опора Родины» бүрдәцин үүлдврт шунмһаһар орлцдг арһлачнр Андрей Бадамшинд болн Дмитрий Исаевд Ханлтын бичгүд бәрүлҗ өгв.
- Таңһчин Улсин Хуралын депутатнрин болн бийиннь нерн деерәс буйнч седклин керг-үүлдврт орлцҗ, дөңгән күргҗәдг таднд ик ханлтан өргҗәнәв. Цергә шишлң керг-үүлдврт орлцҗадг улсиг дөңнҗ, Төрскән харсачнрин төрмүдт орлцҗ, тадн олнд үлгүр-үзмҗ болнат. Тана седвәр болн шунлт чик авг-бәрцтә иргнмүдин төлә үлгүр болҗана. Тана керг делгрҗ, олзта-туста болтха, - гиҗ Артем Васильевич нүр үгдән темдглв.
Харһлтд орлцсн таңһчин Улсин Хуралын депутат, «Төрскән харсачнр» шаңһа саңгин региона әңгин һардач Хаалһин Очр арһлачнрин үүлдвриг өөдәнәр үнлҗ, бас ханлтын үг келв. Энүнә темдглсәр, арһлачнр саңгин үүлдврт шунмһаһар орлцҗ, олн зүсн төсв күцәлһнд нөкд болна. Эднә өр-өвч седкл мана цергчнрт болн эднә өрк-бүлмүдт ик омг өгнә гиҗ депутат келв.
БАТАН Сәәхлә

Видео