Депутатнр бичкдүдиг байрлулв

Сегодня, 12:43 | Общество, Таңһчин зәңгс, Зіњг

Таңһчин Улсин Хуралын депутатнр «Күслин һацур» гидг керг-үүлдврт орлцҗ, баһ тетквртә, олн үртә болн җирһлин күнд таалд туссн өрк-бүлмүдин бичкдүдиг оньгасн алдхш. Шидр эдн Луганск Улсин Республикин Антрацитовск района бичкдүдт олн зүсн наадһас болн шикр-балта йовулв.
Хойр җил дарандан депутатнр Антрацитын бичкдүдиг Шин җилин байрла йөрәҗ, бичкдүдин сурсар наадһас, олн зүсн эд-тавр хулдҗ авч, белгүд цуглулв. Эн җил һунта Николь наадһа, арвн негтә Максим ширә деер нааддг наад, арвн хойрта Настя зург цокдг кергсл, тавта Кира зург зурдг кегдлмүд, долата Арина планшет, арвта Вероника ду дуулдг кергсл белглхиг сурсмн. Тегәд бичкдүдин күсл күцәһәд, депутатнр белгүд белдв.
«Күслин һацур» гидг керг-үүлдвр Әрәсән Президент Владимир Путинә седвәрәр 2018 җиләс авн бүрдәгднә. Эн җил ирлцңгү керг-үүлдврин йовудт мана таңһчд хойр зун күүкн-көвүнд белгүд бәрүлҗ өггдв.
БАТАН Сәәхлә

Видео