Ончта өөнән темдглв

Сегодня, 14:38 | Общество, Таңһчин зәңгс, Зіњг

Урҗ өдр «Негдсн Әрәсә» партиг дөңнлһнә олна штабд гер-бүүрин шаңһа инспекц бүрдснәс авн
25 җилд нерәдсн байрин хург болв.
Эндр эн бүрдәц Хальмг Таңһчин ЖКХ-н болн энергетикин министерствин медлд үүлднә. Өдр болһн инспекцин мергҗлтнр олн-әмтнә төрмүдт орлцҗ, дөңгән күргнә. Җилин йовудт миңһн һар эрлһн нааран орҗ ирнә. Темдглхәс, Луганск Улсин Республикин Атрацитын района улст эдн бас нөкд болна.
Таңһчин гер-бүүрин шаңһа инспекцин һардачин үүлиг цаг зуур дааҗадг Максим Сапожников байрин хургиг секәд, цугтаһинь йөрәв.
– Өөнин өдрлә хамгин түрүнд бүрдәцин ветеранмудыг болн эндр хамдан көдлҗәдг улсиг әрүн седкләсн йөрәҗәнәв. Хөрн тавн җилин туршарт хамцу үүлдврин йовудт кесн-күцәсн тоот баһ биш. Тегәд цаарандан чигн бәәрн әмтнә төрмүдт орлцҗ, күцәмҗтәһәр көдлхиг дурдҗанав, – гиҗ Максим Юрьевич темдглв.
Тер мет эн керг-үүлдврт орлцсн күндтә гиичнр инспекцин көдләчнриг бас йөрәв. Тогтсн авъясар күцәмҗ бәрсн болн ончрсн мергҗлтнр күндллһнә олн зүсн темдгүдәр ачлгдв. Манҗин Элистинад, Самхан Алдрт, Евдокимова Кристинад, Һәрән Александрад болн Емгуша Татьянад Хальмг Таңһчин Толһачин Ханлтын бичгүд бәрүлҗ өггдв. Терүнәс нань Хальмгин залврин, таңһчин ЖКХ-н болн энергетикин министерствин, гер-бүүрин шаңһа инспекцин темдгүдәр кесг улс бас ачлгдсмн.
ОЛЬДАН Цаһан

Видео