Келн-улсин байрла йөрәв

Сегодня, 14:42 | Общество, Таңһчин зәңгс, Зіњг

Шидр Әрәсән Президент Владимир Путин шар шаҗнд шүтдг орн-нутгин сүзгтнриг Цаһан Сарин байрла йөрәв.
– Цаһан Сар – шар шаҗнд шүтдг улсин нег темдгтә, ончта байр болдг. Йиртмҗ әмләд, һаза дуларад, әмтнә седкл байрар дүүрнә. Өвкнрин зөөриг әрүнәр хадһлад, дорас өсч йовдг үйнртән медүлҗәнәт. Шар шаҗна бүрдәцс орн-нутгин чинртә төсвст шунмһаһар орлцна, тернь бас темдгтә, тер юңгад гихлә бидн олн җилдән хамдан хоорндан ах-дүүһинәр бәәнәвидн. Темдглхд, өдгә амр биш цагт цергә шишлң керг-үүлдврт орлцҗадг улст дөң-тусан бас күргҗ йовнат. Әрүн чинртә байрла цуг таанриг йөрәһәд, цаһан хаалһ дурдҗанав! – гиҗ Владимир Владимирович йөрәлин үгдән темдглв.
ЮФО-д Әрәсән Президентин элч Владимир Устинов бас йөрәлин бичгән илгәв.
– Олн җилдән хальмг келн-улс эврәннь тууҗан, сойлан, авг-бәрцән хадһлҗ йовна. Хаврин байран тосч, Цаһаһан сергмҗтәһәр темдглҗ, цуһар эрүл-менд, байрта-бахта бәәтн, – гиҗ йөрәлин бичгт келгдҗәнә.
Мана зәңгч

Видео