Өөдән темдгәр ачлв

Сегодня, 11:26 | Общество, Таңһчин зәңгс, Зіњг

Шидр Хальмг Таңһчин күндтә иргн, Әрәсән физическ сойлын ачта көдләч, таңһчин спортын делгрлтд тәвцән орулсн Очра Александр йирн насан зүүв.

Хальмгин Толһачин һардврин ахлачин дарук Тарбан Савар, таңһчин залврин Ахлачин дарук – то-дигин делгрлтин министр Этән Алексей, спортын министр Батыра Константин болн футболын таңһчин спортын сурһулин һардач Түмдә Максим Александр Манджиевичиг ончта өөнләнь йөрәв.
Таңһчин Толһач Хаска Батун даалһврар Тарбан Савар Очра Александриг Б.Б.Городовиковин орденәр ачлв.
Темдглхд, Очра Александр «Уралан» футболын багин ветеран болна. Харһлтын йовудт Александр Манджиевич баахн цаган тодлад, йосна элчнрлә күүндәд, баахн дамшачнр белдлһнд оньган тусхах кергтә гиҗ селвгән өгв.
Министр Батыра Константин болхла өдгә цагт Хальмгин нер дуудулҗадг баахн футболистнр Бевән Мингияна болн Бадмин Мингияна тускар келв.
Александр Манджиевичин авальнь Очра Валентина таңһчин спортын делгрлтд бас тәвцән орулсн күн болна. Эндр көгшд нег-негндән дөң-түшг болад бәәнә, авалиннь тәвциг өөдәнәр үнлснд эн ханлтан өргв.

ОЛЬДАН Цаһан

Видео