Субботникүд бүрдәгдхмн

Сегодня, 13:36 | Общество, Таңһчин зәңгс, Зіњг

Мөрн сарин 18-әс авн хөн сарин 3 күртл Әрәсәд субботникүд болхмн. Әрәсән баһчудын төрмүдәр үүлддг агентств болн «Экосистема» гидг экологин олна җисән «Баһчуд болн бичкдүд» гидг келн-улсин төсвин йовудт долан хонгин туршарт субботникүд бүрдәх седвәр татв. «Цевр-цер бәәдлин төлә» гидг керг-үүлдвр Әрәсән улсин ниицлтин җилин йовудт күцәгдҗәнә.
Бәәсн һазран хог-богас цеврлҗ, сән таал тогталһна кергт цуһар орлцад, йиртмҗиг әрүнәр хадһлхин төлә әмтиг хамцулх күслтәһәр эн керг-үүлдвр бүрдәгдҗәнә. Әмтн төрскн селәнә, балһсна парксин, усна көвән, ө-шуһу моддын эргндкиг, санлын ормсиг ахулхмн. Эн керг-үүлдврт олна болн шаңһа бүрдәцс, дунд болн ик сурһульмуд орлцхмн.

БАТАН Сәәхлә

Видео