Төрскән харсачнрин экнр зуульчлв

27-05-2026, 10:18 | Общество, Таңһчин зәңгс, Зіњг

Шидр цергә шишлң керг-үүлдвр давҗадг һазрт хәәртә үрдән геесн экнр «СВОих не бросаем» төсвин йовудт «Государева дорога» нертә тууҗлгч хаалһар поездәр зуульчлад ирв.

Цергә шишлң керг-үүлдврт орлцачнрин экнриг хамцулсн зуульчллһиг «РЖД» ОАО бүрдәв. Соньн зуульчллһна йовудт зөргтә дәәчнрин экнр Санкт-Пентербург болн Великий Новгород балһсдт одад, Әрәсән сойлын болн тууҗлгч чинртә ормс һәәхв. Санкт-Петербургин төвд йовһар йовад, тер мет Царское село болн Петергоф һәәхәд, кесг музейд одв.
Дарунь Великий Новгородт «Ярославов дворище», Свято-Юрьевин чонҗ, «Витославлицы» болн Софийский бәәшң хәләв.
«Соньн зуульчлһиг Әрәсән төмр хаалһин бүрдәц болн «Төрскән харсачнр» саң хамдан бүрдәсн болдг. Энүнә йовудт орн-нутгин регионмудын элчнрлә таньлдвидн. Эн йовдл удандан мартгдшго, Әрәсән харслтын Министерствд болн ирлцңгү бүрдәцст ханлтан өргҗәнәвидн», – гиҗ зуульчллһнд орлцсн күүкд улс темдглв.
КАРСАНА Евгения

Видео