«Өөрднр» бииһин театрин төлә

28-05-2026, 11:06 | Общество, Таңһчин зәңгс, Зіњг

«Өөрднр» бииһин театрин үүдәгч төвин бәәдл ямаран болхин тускар шидр диглгдҗ авв. Тосхлтын халхар балһсиг ясруллһна хүүвин сүүрт тер төр хәләгдсмн.
Хотл балһсна Ленинә нертә уульнцар бәәдг 201А тойгта герин өөр эн төв босхгдхмн. Эн бәәрн шүүҗ авгдснь учрта болҗана. Энүнлә зерглҗ Улан сурһуль гисн нер зүүҗ тууҗд орсн гер бәәнә, тиигчкәд эннь балһсна хамгин хуучн гермүдин негнь болҗана. Урдк зун җилд сурһуль-эрдмин халхд ик чинр зүүсн сурһуль багш Татьяна Юркован нернлә залһлдата, тегәд эн гер сойлын халхар ик чинртә бәәрн гиҗ тоолгдна. Өөрнь «Өөрднр» бииһин театрин гермүд бәәршлҗәнә.
Үүдәгч төв бүрдәлһнд балһсна кезәңк герин бәәдлиг эндрк бәәдллә ирлцүлсн тосхлтын туст ирлцңгү шиидвр авгдхмн. Балһсна тууҗлгч чинртә герин бәәдлиг өдгә цага тосхлтын янзла эвтәһәр ниицүлҗ кегдсн зуран ашт энд өдгә цага цуг таалта үүдәгч үүлдврин йоста төв тосхгдх болв.
УШКАНА Сувсн

Видео