Дәәчнрин өрк-бүлмүдлә харһв

Сегодня, 13:24 | Общество, Таңһчин зәңгс, Зіњг

Сарпан района толһач Манҗин Басң Сарпан болн Баһ Дөрвдә райодын цергә комиссар Владимир Алексеевла, «Төрскән харсачнр» саңгин таңһчд үүлддг әңгин социальн зүүцүләч Светлана Дрыжаковала хамдан цергә шишлң керг-үүлдврт әмнәсн хаһцсн дәәчнрин өрк-бүлмүдт шаңһа ачлвринь бәрүлҗ өгв.
Эрнҗәнә Данзана эк-эцк Эльза Васильевнад болн Эрднь Тарасовичд, Эрднин Вениамина аваль Тамара Константиновнад, Валерий Гореевин эк Валентина Ильиничнад Зөрмгин орден, Каарун Арслана эк Эльза Басановнад болн Даниил Ереськон эк Ирина Алексеевнад «СВО-д орлцач» гидг медаль бәрүлҗ өггдв.
Цергә шишлң керг-үүлдврт орлцад, залу-зөрмгән үзүлсн нег һазра залу улсин санл мөңкинд хадһлгдх. Эднә зөрмг үүлдвр дорас өсч йовдг баһчудт үлгүр болхмн гиҗ района толһач келәд, эк-эцкнрнь үрдтән төрскнч сурһмҗ өгснднь ханлтан өргв.
ДООҖАН Наталья

Видео