Района тосхачнриг ачлв

Сегодня, 12:44 | Общество, Таңһчин зәңгс, Зіњг

Тосхачин Өдр угтад, Целинн районд байрин хург болв. Төрскн района болн төв селәнә тосхлтд орлцсн ветеранмудыг байрин хургт цуглулв (зургт). Района толһач Увшан Басң тосхачнриг сән Өдрлә йөрәһәд, төрскн һазр-уснаннь босхмҗд болн делгрлтд күргсн ач-тусинь темдглв.

Дорҗин Татьяна, Омшана Владимир, Дадинә Николай, Булата Аксан, Семена Виктор, Мучкан Ольга болн Бамбша Надежда олн җилдән тосхлтын халхар көдлсмн. Эднә тосхсн гермүд эндр чигн района селәдиг кеерүлҗәнә гиҗ Басң Анатольевич темдгләд, Ханлтын бичгүд бәрүлҗ өгв. Района билгтнр тосхачнрт ду-бииһән нерәдҗ, седклинь байсав.

Мана зәңгч

Видео