Цогц-махмудан батрулҗ

Сегодня, 13:16 | Общество, Таңһчин зәңгс, Зіњг

Приютна района Үлдчн селәнд С.А.Кюкеевин нертә спортын болн олна керг-үүлдврин төв тосхгдв. Энд селәнә әмтн цогц-махмудан батрулҗ спортар соньмсч, цаган сергмҗтәһәр давулҗ чадхмн.
Бәәрн хазнас йилһгдсн мөңгәр футбол нааддг талвң болн тәәз тосхгдв, шам углҗ тәвгдв. Хөөннь әмтнә седвәр дөңнәд дем күрглһнә көтлврин йовудт гүүдг хаалһ тосхгдв. Дарунь «Селән һазрин делгрлт» гидг шаңһа көтлврин «Селән һазрт сән кец-таал тогталһн» гидг төсвин йовудт волейбол нааддг талвң болн хәләһәчнрин төлә шишлң бәәрн эдлврт орулгдв.
«Үлдчнә стройресурс» ниицәнә болн селәнә бәәрн улсин нилчәр өдгә цага төвин тосхлтын көдлмш күцәгдв.
Спортын шин төвд баһчудын болн ветеранмудын багмуд хамдан олн зүсн марһас бүрдәҗ, сул цаган сергмҗтәһәр давулҗана. Тер мет района марһас бас энд давулгддг болв.
БАТАН Сәәхлә

Видео