Дааврта кем төгсчәнә

Сегодня, 13:20 | Общество, Таңһчин зәңгс, Зіњг

Хальмг Таңһчд, нег үлү селәнә эдл-ахун делгрлтд онц оньг өггдҗәнә.
Яшалтан районд урһц хуралһна кем төгсхдән өөрдв. Эн долан хонгт кесн то-дигәр, 50 853 гектар аһу тәрәнә һазрт урһц хурагдсн бәәнә. Ут тоодан 187 921 тонн буудя хурагдв, нег гектар һазрас 37 центнер буудя цокч авгдв.
Городовиковск районд болхла дааврта кем бас төгсчәнә. Тенд 40 430 гектар аһу һазрт урһц хурагдв. Нег гектар тәрәнә һазрас 39,9 центнер буудя цокч авгдв, ут тоодан болхла 161 миңһн тонн сән чинртә буудя хурагдсн мөн. Чапаевин нертә СПК, «Казачье», «Асгард» эдл-ахус нүүрләчнрин тоод йовна. Крестьянск-фермерск эдл-ахус бас му бишәр көдлв, эдн 25 350 гектар аһу тәрәнә һазрас 109 миңһн тонн буудя хураҗ авв.
Тер мет таңһчин фермермүд үвлзлһнд экләд белдҗәнә. Өдгә цагт 600 тонн өвсн болн нег миңһн шаху тонн салм белдгдсн бәәнә.

БАДМИН Занда

Видео