Чонҗин ясвр бүрткгдв

Сегодня, 09:04 | Общество, Таңһчин зәңгс, Зіњг

Элст балһсна һардврин толһач Лиҗикә Алдр, энүнә дарук Хаска Сергей болн Хальмг епархин сегләтр Алексий Грищенко Элстин чонҗин ясвриг бүрткҗ хәләв. Тодлхас, эн ясвр 80 җил хооран Элстин чонҗд мөргүлин йовудт Иисус бурхн бууҗ ирснә ончта йовдлын өөнин керг-үүлдврмүдин йовудт давулгдҗана.
Лиҗикә Алдрин келсәр, Элстин чонҗд Иисус бурхн бууҗ ирснә ончта өөн һаха сард темдглгдхмн, тегәд энүнд белдҗ ирлцңгү ясвр күцәгдҗәнә. Хальмг епархин ханьд ордг цуг бәәрн бас ясгдҗана. Гермүдин һазак эрсмүдинь ширдҗәнә, тер мет хашаднь хату девскр сольгдҗана. Көдлмш цаг-болзгтан күцәгдәд, намр эклтл төгсх зөвтә, гиҗ Алдр Васильевич зәңглв.
– Ясврин көдлмш орс шаҗна цуг тоотла ирлцҗ давулгдҗана. Чонҗин хашад бор болн шар өңгтә хату девскр делгв. Дөрвн герин эрсмүдин өңгнь сольгдсн уга, зуг ширдҗ шинрүлгдв. Хашан тал дунд болхла шишлң панрмуд углҗ тәвгдхмн, – гиҗ Элст балһсна һардврин толһачин дарук Хаска Сергей цәәлһв.
Епархин сегләтр Алексий Грищенкон темдглсәр, Хальмг Таңһчин тууҗд эн ончта йовдл болхмн. Төрскән харсгч Алдр дән төгсәд, нег җил давад Иисус бурхн Хальмгт бууҗ ирснь темдгтә. Дәкәд болхла эн йовдлын хөөн арвн җил давад хальмгуд Сиврәс төрскн һазртан нүүҗ ирсиг бас олн-әмтн эн әрүн тоотла залһлдулҗана гив.
Темдглхәс, эн өдрмүдт ясвр давҗасн бийнь чонҗд мөргүлмүд урдк кевәрн болҗана. Шаҗнд шүтдг улс олар ирәд, ирлцңгү йосрхлтст орлцҗ чадҗана.

ОЛЬДАН Цаһан

Видео