Мәәдр бурхна герлд

Сегодня, 12:08 | Общество, Таңһчин зәңгс, Зіњг, Бурхн-шаҗна төрәр

Лагань балһснд иргч цагин Бурхна – Мәәдр гегәнә көшә босхгдад, әмтн энүнә герлд зальврҗ бәәнә. Ода әрүн ик көшә ясч шинрүллһнә көдлмш төгсчәнә.
Кесг долан хонгин туршарт мергҗлтнр арднь орҗ цугинь диглҗ кеһәд, бумбиг шинрүлв. Мәәдр гегән шинәс герлтсн бәәдләрн әмтнд амулң-менд җирһл заяҗ дүңгәҗәнә.
Көшән һазак бәәдлнь йосндан ясрв. Бурхна дүр ода олн җилдән өңгән сольшго ширәр ширдгәд, алтна өңг һарад, әмтнә нүд байрлулҗана. Бурхн-шаҗна зокалар болхла, алтрсн герл шин хүврлтсин темдг болдмн.
Бәәрн хурлын демч-лам Отхн гелңгин келсәр, бурхдын әрүн чинртә көшәсин өңг-бәәдлинь ясч шинрүлхлә, оюни халхар чигн шинрлт учрна. Әмтнә цаһан седкл болн өр-өвч үүлдвр делгрнә.
Ода хамгин чинртә девсңд белдвр кегдҗәнә. Шаҗна йосрхл күцәҗ, Бурхна «нүднд герл оруллһна» мөргүл болхмн. Шаҗна чинртә эн үүлдвриг цуг зокалар күцәһәд, көшә дотр орх әрүн тоот, номта тәрнс, бу, мирд болн әрүн нань чигн тоот ном умшҗ орулгдхмн.
Тиигәд иргч цагин Бурхн – Мәәдр гегән шинәс маднд алтрсн герлән асаҗана.

УШКАНА Сувсн

Видео