Медәтнрин хүүв шинрүлгдв

Сегодня, 13:51 | Общество, Таңһчин зәңгс, Зіњг

Шидр Лаганя района толһач Коган Юрий медәтнрин хүүвин шин ханьд орсн улсла харһв. Района делгрлтд ик ач-тусан күргсн, олн җилдән энд үнн-чик седклтәһәр көдлсн, дорас өсч йовдг баһчудт үлгүр-үзмҗ болдг, нег һазра улс дунд күндллһ олсн ачта медәтнр шинрүлгдсн хүүвин ханьд орв.
Харһлтд района әмтнә социальн теткврин, экономик делгрүллһнә, селәдт сән кец-таал тогталһна төрмүд босхгдв. Сойл делгрүллһнә, өвкнрин авъяс хадһллһна, района олна бәәдл-җирһлд орлцҗ баһчудт төрскнч сурһмҗ өглһнә төрмүд хүүвин һоллгч зөрүллт болна, тегәд медәтнр эн төрмүдәр ухан-тоолврарн хувалцҗ, өөрхн иргчдән кех-күцәх көдлмшин зура батлв.
Района толһач Коган Юрий медәтнрин хүүвин гешүдиг йөрәһәд, хамцу үүлдвр төрскн һазрин делгрлтд туста болх гиҗ темдглв. «Ачта улсин байн дамшлт олзлҗ нөкцлт батруллһнд иим харһлтс туста болна. Мана районд өдгә цага сән таал тогтаҗ, үйнрин хоорндк залһлдан улм делгрхин төлә бидн хамцу үүлдхвидн», - гиҗ Юрий Сергеевич иткүлв.
Медәтнрин хүүв Яшалтан районд бас бүрдәгдв, терүнә ханьд ачта болн тоомсрта улс орв.
БАТАН Сәәхлә

Видео