Нертә урчла харһв

Сегодня, 12:51 | Общество, Таңһчин зәңгс, Зіњг

Әмтнә социальн теткврин төвмүдт медәтнрин төлә соньн улсла харһлтс давулгдна. Шидр Яшалтан района КЦСОН-а көдләчнр ах үйин улсин төлә хальмг улсин зурач, Әрәсән зурачнрин ниицәнә таңһчд үүлддг әңгин ахлач, «Улан зала» гидг Келн-улсин мөрәһәр ачлгдсн нертә урч Дорҗин Викторла харһлт бүрдәв.
Бәәрн музейин улд болсн харһлтд социальн теткврин төвин негдлтсин медәтнр орлцв. Виктор Исаевич эврәннь үүлдврин тускар келҗ өгәд, ясар, чолуһар болн модар кесн кегдлмүдән үзүлв. Тер мет нертә урч дамшлтын кичәл давулад, медәтнрлә хамдан кегдлмүд кев.
Социальн теткврин төвин мергҗлтнрин келсәр, медәтнрт билгтә, нертә улсла болдг харһлтс соньн болна.
ДООҖАН Наталья

Видео