Шинрүлгдсн сурһульмудт одв

Сегодня, 13:56 | Общество, Таңһчин зәңгс, Хальмг Тањєчин Толєачин ґдр-бўр, Зіњг, Сурєуль-эрдм

Хальмг Таңһчин Толһач Хаска Бату медрлин Өдрлә бат ясвр кегдсн Целинн района Партизанск дунд сурһульд болн Сергий Радонежскийин нертә Орс Келн-улсин гимназьд бас одв. Эн өдр сурһульчнр болн багшнр шинрүлгдсн сурһульмудтан ирҗ, йосндан байрлҗ бахтв.
Партизанск дунд сурһулин һардач Галина Квачева таңһчин Толһачд сурһулин хорас үзүләд, сән кец-таал тогтагдсинь иткүлв. Хальмг Таңһчин сурһуль-эрдмин болн номин министр Александр Ким болн Целинн района толһач Увшан Басң селәнә дунд сурһульд иим бат ясвр кегдсинь үнләд ханлтан өргв.
Тер өдрин бийднь таңһчин Толһач Орс Келн-улсин гимназьд одад, ясврин көдлмшин хөөн сурһулин бүрдәц өдгә цага некврлә ирлцҗ кеерүлгдсинь темдглв. Сурһульчнр байрин керг-үүлдврән шинрүлгдсн гимназьд темдглв. Иисус Христос бууҗ ирснә ончта йовдлын 80 җилин өөнд нерәдгдсн керг-үүлдврт орлцачнриг күләҗәхән сурһульчнр медүлв. Гимназин һардач Манҗин Алена ирсн гиичнрт орс улсин сойлын музей үзүлв. Сурһулин бүрдәц орс чонҗла бат залһлда бәрҗ үүлднә, тегәд таңһчин Толһач энд шүтә зурлһна кичәл бүрдәх седвәр татсиг гимназин һардач дөңнв. Элст балһсна толһач Лиҗикә Алдр таңһчин һардврт ханлтан өргәд, удл уга болх ончта керг-үүлдврмүдин йовудт гимназьд соньн харһлтс болхмн гиҗ зәңглв.
ДООҖАН Наталья

Видео