Суңһвр дигтә-даратаһар давв

Сегодня, 11:48 | Политика, Общество

Эн җилин суңһврин йовудыг Хальмг Таңһчин Олна палат болн суңһвр бүртклһнә төв дигтә-даратаһар бүрткв. Энүнә тускар шинҗләчнр эврә тоолвран келв.
Суңһвр дигтә-даратаһар давв
Нарн өдрлә асхн нәәмн часла суңһврин цуг әңгүд хаагдв. Таңһчин Олна Палатын ахлач болн суңһврин йовудыг бүртксн төвин һардач Мучан Батыр цәәлһвр өгв: «Һурвн өдртән болсн суңһврин йовудт зака эвдсн йовдлмуд учрсн уга. Тер мет зәрм әңгүдт Элст балһсна Хургин депутатнрин немр суңһвр бас болв. Чинртә эн керг-үүлдвр төгсснә дару ирлцңгү төвин шинҗләчнр углҗ тәвгдсн шишлң кергсл олзлад, эврә кергән цаарандан күцәв».
Суңһвр дигтә-даратаһар давв
Суңһвр бүртксн төвин шинҗләч Манҗин Элеоноран келсәр, һурвн өдрин туршарт болсн йовдлыг 560 һар шинҗләч өдр-сө уга бүрткҗ хәләв. Суңһвр иргн болһна төлә чинртә керг-үүлдвр болдг. Тегәд энүнд эрк биш орлцҗ, төрскн орн-нутгин, балһсна болн селәнә чигн сән-сәәхн иргчин төлә дууһан өгх кергтә гиҗ тоолврарн эн хувалцв.
Суңһвр дигтә-даратаһар давв
«Суңһврин сүл өдрт Әрәсән ЦИК-ин зәңглсәр орн-нутгт 45 процент суңһачнр дууһан өглһнә кергт орлцв, Хальмг Таңһчд эн то-диг әдлхн болв, тернь бас сән үзмҗ мөн. Мана таңһчин улс шунмһаһар суңһврт орлцв. Яһад гихлә Әрәсән Орн-нутгин Хүүвин шин ханьд суңһгдсн депутатнр күн болһна болн бүклдән орн-нутгин җирһлиг оңдарулҗадг, герлтә иргчиг өөрдхдг кесг закад батлх, аштнь күн болһна җирһлин таал ясрулхмн.
Суңһврин цуг әңгүдт көдлмш дигтә-даратаһар бүрдәгдв. Әрәсән шин регионмуд түрүн болҗ эн керг-үүлдврт орлцв», – гиҗ Хальмг ик сурһулин профессор Дәкин Раиса келв.
Суңһвр дигтә-даратаһар давв
Тер мет Хальмг Таңһчд болсн суңһврин йовудыг бүртксн төвин шинҗләч, Хальмг ик сурһулин номт Селән Цаһана келсәр, түрүн хойр өдрин ашиг диглхлә, кесг әмтн суңһврт өрк-бүләрн ирәд бәәв, тиим кевәр эдн суңһврин ик чинринь темдглҗ, теднә бәәдл-җирһлд чигн кесг сән йовдл учрх гиҗ иткҗәхән медүлв.
- Әңгин цуг комиссьмүд цаглань көдлмшән эклҗ зөв-йосна болн закана цуг неквриг күцәв. Мана штаб бас суңһврин йовудыг тасрхан угаһар бүрткв. Тиим кевәр бүрткәчнр болн шинҗләчнр суңһврин йовудыг видеокергслин дөңгәр үнлҗ чадв», – гиҗ шинҗләч цәәлһв.
Суңһвр дигтә-даратаһар давв
Таңһчин Олна палатын гешүн, суңһврин йовудыг бүрткдг олна штабин шинҗләч Юрий Секенов эврәннь тоолврарн бас хувалцв: «Кесг партьсин кандидатнр суңһврин өмн заканла ирлцәтәһәр тоод авгдла. Партьсин болн олна бүрдәцсин бүрткәчнр диг-дараг эвддг йовдлыг урдаснь гетлҗ, цәәлһврин көдлмш давулҗ үүлднә. Тер кергт таңһчин Олна палат чигн партьсла болн олна бүрдәцслә бооца батлад, суңһвриг дигтә-даратаһар бүрдәлһнд нилчән күргв, терүнә төлә бүртклһнә кесг эв-арһ олзлгдна», – гиҗ Юрий Александрович цәәлһв.
ТҮРВӘН Һуна

Видео