Манахс диилвр бәрснь бахмҗта

Сегодня, 15:34 | Общество, Таңһчин зәңгс, Зіњг, Спорт

Хальмг Таңһчин Толһач Хаска Бату Хальмгин спортсменмүд Әрәсән болн нарт-делкән марһаст диилвр бәрәд, бахмҗ үүдәв гиҗ темдглв.

Т.Л.Балдашиновин нертә олимпийск көрңгин спортын сурһулин элч Лиҗин Айрат Новосибирск балһснд греко-римск бөк бәрлдәнә нарт-делкән арвтнрин марһанд күрл мөңгн медаляр ачлгдв. Бөкнрин таңһчин сурһульд сән белдвр күцәгддгнь лавта болҗана. «Уралана» элч Бадмин Мингиян ЦСКА-н багин ханьд баһчудын футболын марһанд дииләч болв. Көвүд марһана ашлгч хойр девсңгәс урд нүүрлгч ормд һарв. Эннь мана футболистнр орн-нутгин нүүрлгч багмудт зөвтә орман эзлҗәдгиг герчлҗәнә гиҗ Хаска Бату бахтв.
Әәдрхнд чикнь хату улсин дунд болсн Әрәсән Кубокин марһанд Бамбыка Юлиана усчад, тавн сән гисн спортсменә тоод орв. Лари Джальджиреев Fight Nights 143 компаня марһанд диилвр бәрв. Кабардино-Балкарин спортсмен Кантемир Шогеновла марһлдад, диилвр бәрснь бахмҗ үүдәв. Нью-Делид армрестлингар болсн нарт-делкән марһанд хальмг спортсменмүд бас ончрв. Тиигәд, Дурдуса Айлана цаһан мөңгн болн күрл, Насир Халиков болн Сүкин Наталья эрмдгтә улсин дунд цаһан мөңгн медаляр ачлгдв. Очра Санл Корея Республикд Әрәсән багин ханьд саадгар халһна нарт-делкән марһанд цаһан мөңгн медаляр ачлгдв. Келхд, эн саадгар халһна Әрәсән хамцу багин ах дамшач болн таңһчин федерацин һардач болна. Хальмгин спортсменмүд Кировск балһснд болсн Әрәсән бас арвн медаль шүүһәд, 2-ч орм эзлв.
- Мана спортсменмүд болн дамшачнр ик бахмҗ үүдәв. Эдн Хальмг Таңһчин болн Әрәсән нер дуудулв. Төрскн һазрнь эднд чид урһаҗ, улм ик күцәмҗ бәрхд туслтха, - гиҗ Хаска Бату дурдв.
Манахс диилвр бәрснь бахмҗта
Манахс диилвр бәрснь бахмҗта
Манахс диилвр бәрснь бахмҗта
Манахс диилвр бәрснь бахмҗта
Манахс диилвр бәрснь бахмҗта
Манахс диилвр бәрснь бахмҗта
БАТАН Сәәхлә

Видео