Иргчнь сарул-сәәхн болтха!

Сегодня, 11:52 | Политика, Общество, Таңһчин зәңгс, Хальмг Тањєчин Толєачин ґдр-бўр, Зіњг

Һаха сарин 18-әс авн 20 күртл Әрәсәд Орн-нутгин Хүүвин депутатнрин суңһвр болв. Һурвн өдрин туршарт мана таңһчд ут тоодан 224 суңһврин әңг көдлв. Басң өдрәс авн Хальмгин иргнмүд суңһврт шунмһаһар орлцсинь темдглх кергтә.

Суңһврин түрүн өдрт Хальмг Таңһчин йосна элчнрин кесгнь дууһан өгч, олна кергт орлцв. Тогтсн авъясар, таңһчин Толһач Хаска Бату төрскн Лагань балһснд ирәд, IX хуралтын Орн-нутгин Хүүвин ханьд орх депутатнрин төлә дууһан өгсн болдг.
– Һурвн өдртән мана орн-нутгин, нег үлү нег һазра улст иргчин төлә дууһан өгдг саам учрв. Суңһврт күн болһн орлцх зөвтә. Энүнә ашар Хүүвин шин ханьд орх депутатнр батлгдхмн. Мел эдн Әрәсән регионмудын иргнмүдин төрмүдиг хаһлҗ көдлхмн. Тер мет суңһврин керг-үүлдврмүдиг белдсн Хальмгин суңһврин комиссин гешүдт, шинҗләчнрт, зөв-йос харлһна көдләчнрт болн олна кергт орлцсн дааврта талдан улст ханлтан өргҗәнәв, – гиҗ Бату Сергеевич темдглв.
Тер өдр Хальмг Таңһчин һардврин ахлач Кирилл Попов Элстин лицейин улд секгдсн суңһврин әңгд дууһан бас өгв.
ОЛЬДАН Цаһан,

Видео